ភ្នំពេញ៖ លោក ហួត ហាក់ រដ្ឋមន្រ្តីក្រសួងទេសចរណ៍ បានប្រកាសតែងតាំងសមាសភាពថ្មីនៃមន្ត្រីខុទ្ទកាល័យរដ្ឋមន្រ្តីក្រសួងទេសចរណ៍ដែលមានលោកស្រី ស៊ិន សុខពន្លឺ ជានាយិកាខុទ្ទកាល័យ។ នេះបើតាមសេចក្ដីសម្រេច ចុះថ្ងៃទី២៣ ខែកញ្ញា​ ឆ្នាំ២០២៤ របស់ក្រសួងទេសចរណ៍ដែលអង្គភាពសារព័ត៌មាន EAC News ទទួលបាននៅថ្ងៃនេះ។

សមាសភាពនៃខុទ្ទកាល័យរដ្ឋមន្រ្តីក្រសួងទេសចរណ៍ដែលត្រូវបានតែងតាំងថ្មីរួមមាន៖

១. លោកស្រី ស៊ិន សុខពន្លឺ ជានាយិកាខុទ្ទកាល័យ

២. លោក អេង មូនីរិទ្ធ ជានាយករងខុទ្ទកាល័យ

៣. លោក ហេង លីណា ជានាយករងខុទ្ទកាល័យ

៤. កញ្ញា គឹម ម៉ារីយ៉ាន ជាទីប្រឹក្សាបច្ចេកទេស

៥. កញ្ញា ថេត មុនីនាថ ជាអនុពន្ធសភា

៦. លោក ទុយ ចំរើនបញ្ញា ជាអនុពន្ធសារព័ត៌មាន

៧. លោក អៀង វណ្ណៈ ជាជំនួយការ

និង ៨. លោក ធី កុសល់ ជាលេខាធិការ។

សូមរំឮកថា លោក ហួត ហាក់ ត្រូវបានសភាបោះឆ្នោតអនុម័តកែសម្រួលសមាសភាពនៃរាជរដ្ឋាភិបាលកាលពីថ្ងៃទី២០ ខែកញ្ញា ឆ្នាំ២០២៤ ឱ្យទទួលភារកិច្ចជារដ្ឋមន្រ្តីក្រសួងទេសចរណ៍ថ្មី ជំនួសលោក សុខ សូកេន ដែលត្រូវបានផ្លាស់ប្តូរឱ្យទៅកាន់តំណែងជារដ្ឋមន្រ្តីក្រសួងអធិការកិច្ចវិញ៕